Søk

Samisk: Norgga eaktodáhtu birra

Norgga eaktodáhttu lea ovttasbargoforum eaktodáhtolaš organisašuvnnaide Norggas.

Eaktodáhtolašvuohta lea čiehkajuolgin Norgga kultuvrras ja servvodateallimis ja mii bargat ollislaš eaktodáhttopolitihkain sihkkarastindihte ahtanuššama ja ovdánahttima eaktodáhtolaš doaimmain. Eaktodáhtolašvuohta lea máŋggabealat ja dan sivas ferte politihkka maiddái fátmmastit máŋga iešguđetlágan beliid vai sáhttá buoridit rámmaeavttuid buot eaktodáhtolašvuođa ollu surggiin.

Norgga eaktodáhttu vuođđuduvvui jagis 2005 ja odne leat das badjelaš 300 miellahttoorganisašuvnna. Oktiibuot dát dagahit badjel 50 000 searvvi ja joavkku miehta riika.

Namma sámegillii ja eŋgelasgillii

Norgga eaktodáhttu lea válljen golbma sámi nama maid áigut geavahit go lea dárbu juogo čállit dahje dadjat min nama sámegillii: Norgga eaktodáhttu (davvisámegillii), Luojvoj Vuodna (julevsámegillii) og Jïjtjesyjhtehtsvoete Nöörje (lullisámegillii). Norgga eaktodáhtu eŋgelasgiel namma lea The Association of NGOs in Norway.

Mii galgat:

Doaimmalaččat ovddidit siviilaservvodaga ja eaktodáhtolaš organisašuvnnaid beroštumiid. Danin mii galgat:

  • Ovttastahttit rahčamušaid ja nu váikkuhit ja sihkkarastit buriid rámmaeavttuid eaktodáhtolaš doaimmaid dáfus
  • Leat eiseválddiide deháleamos ságastallanoasálaš eaktodáhtolašvuođa politihkkalaš áššiid gulahallama dáfus
  • Leat máhtolašvuođa guovddáš ja leat arenan go miellahtuin galgá leat oktavuohta eiseválddiiguin
  • Nannet čehppodaga eaktodáhtolašvuođa ja eaktodáhtolaš doaimmaid jođiheami birra
  • Loktet dihtomiela das makkár sajádat eaktodáhtolašvuođas ja eaktodáhtolaš organisašuvnnain lea otná servvodagas
  • Ovdánahttit árjjálaš gulahallama eaktodáhtolaš, álmmolaš ja priváhta surggiid gaskal
  • Čuovvut ja čuovvolit rievdadusaid ja movttidahttit digaštallama eaktodáhtolašvuođa hástalusaid birra
  • Oalgguhit ja oččodit vel eambbo ja viidát eaktodáhtolaš doaimmaid mat bohtet buorrin sihke ovttaskas olbmuide, muhto maiddái servvodahkii ollisilaččat

Resurssat

Norgga eaktodáhttu doaimmaha rekrutterenveahkkereaiddu Frivillig.no ja TechSoup Norge mii lea oassin TechSoup Global. Dát gaskkusta prográmmagálvodonašuvnnaid siviilaservvodahkii moanaid riikkain

Miellahttuvuohta

Buot organisašuvnnat Norggas mat doibmet eaktodáhtolaččat eai ge leat kommersiala eaige almmolaš doaimmat, sáhttet servat miellahttun Norgga eaktodáhtus. Sáhtát lohkat eanet miellahttuvuođa birra dákko.

Norgga eaktodáhttu oasálastá CIVICUS nammasaš riikkaidgaskasaš fierpmádagas.

(World Alliance for Citizen Participation).

Jus háliidat eanet dieđuid Norgga eaktodáhtu birra, de sáhtát geahččat Frivillighetspolitikk dahje sáhtát maiddái váldit oktavuođa čállingottiin.

Min persovdnagáhttenjulggaštusa gávnnat dás.

Jus dus lea miella searvat muhtun eaktodáhtolaš organisašuvdnii, de sáhtát váldit oktavuođa min miellahttuorganisašuvnnaiguin.